රජය විසින් ඉන්ධන මිල වැඩි කිරීමක් සිදුකර නොමැති පසුබිමක, මෙරට ක්‍රියාත්මක ලංකා අයි.ඕ.සී. (LIOC) සහ සිනොපෙක් (Sinopec / RM Park) යන පෞද්ගලික ඉන්ධන සමාගම් දෙක මගින් ඔක්ටේන් 95 වර්ගයේ පෙට්‍රල් ලීටරයක මිල රුපියල් 20කින් ඉහළ දැමීමට පියවර ගෙන තිබේ.
මෙම නව මිල සංශෝධනය ඔක්තෝබර් 25 වනදා මධ්‍යම රාත්‍රියේ සිට බලාත්මක වන පරිදි ක්‍රියාත්මක කර ඇත.
නව මිල ගණන්
මිල සංශෝධනයට පෙර අදාළ සමාගම්වල ඔක්ටේන් 95 පෙට්‍රල් ලීටරයක මිල රුපියල් 475ක් ලෙස පැවැති අතර, රුපියල් 20ක ඉහළ දැමීමත් සමඟ එහි නව මිල රුපියල් 495ක් දක්වා ඉහළ ගොස් තිබේ.
ඒ අනුව, ලංකා අයි.ඕ.සී. සහ සිනොපෙක් (RM Park) යන සමාගම් දෙකෙහිම පිරවුම්හල්වලින් මින් ඉදිරියට ඔක්ටේන් 95 පෙට්‍රල් ලීටරයක් අලෙවි වන්නේ රුපියල් 495ක එකම තනි මිලකටය.