රන්දෙනිගල, මොරගහකන්ද, සමනලවැව සහ චන්ද්‍රිකා වැව ඇතුළු ප්‍රධාන ජලාශවල පාවෙන සූර්ය බලාගාර ව්‍යාපෘති පුළුල් කිරීමට ශ්‍රී ලංකාව සැලසුම් කරන බව ජනාධිපති අනුර කුමාර දිසානායක මහතා පවසයි.
ඉබ්බන්කටුව ජලාශයේ මෙගාවොට් 5ක පාවෙන සූර්ය බලාගාර ව්‍යාපෘතියේ කටයුතු දැනටමත් ආරම්භ කර ඇති බවත්, එය ජලාශයේ පෘෂ්ඨ ප්‍රමාණයෙන් සියයට 1ක් පමණක් භාවිත කරන බවත් ජනාධිපතිවරයා සඳහන් කළේය.
විශාල ඉඩම් ප්‍රමාණයක් අල්ලා නොගෙන පුනර්ජනනීය බලශක්ති උත්පාදනය පුළුල් කිරීම රජයේ අරමුණ බව ද ඔහු පැවසීය.
මගේ සටහන: ඉබ්බන්කටුව පාවෙන සූර්ය බලාගාරය සැප්තැම්බර් 18 වැනිදා ජාතික විදුලි පද්ධතියට සම්බන්ධ කිරීමට නියමිතව තිබූ බව මීට පෙර වාර්තා වූ බැවින්, “කටයුතු ආරම්භ කර ඇත” යන්න ජනාධිපතිවරයාගේ ප්‍රකාශයේ පරිදි පමණක් මෙහි දක්වා ඇත.